Iguain nega "Napoli" darvozasiga urgan golini nishonlamagani haqida aytib berdi

Bahs Turinda bo'lib o'tdi va 3:1 hisobida mezbonlarning g'alabasi bilan yakunlandi. Turinliklarning 2 ta goli penaltidan urildi (Paulo Dibala). Iguain 64-daqiqada g'alaba to'pini kiritib, uni nishonlamadi. Eslatib o'tamiz, Iguain 2013 yildan 2016 yilgacha neapolliklar sharafini himoya qilgan.

"Napoli"ga qarshi bahs og'ir o'tdi. Birinchi bo'limda qiyinchilik bilan to'pga egalik qildik. Tanaffusda murabbiy sabr qilishimizni va hammasini o'zgartira olishimizni aytgan edi. Natijada zafar quchdik. "Yuventus"ning kuchi shunda. Biz muhim g'alabaga erishdik va Neapolga yaxshi kayfiyatda yo'l olamiz.

Hozirgacha "Napoli"ni hurmat qilaman, ammo "Yuventus"da xursandman. SHu ruhda davom etishimiz kerak" - deydi Iguain.