“Барселона” собиқ директори: “Мбаппе сотиб олиниши мумкин эди, аммо раҳбарият Дембелени танлади”

“Дембеленинг трансфери билан ишлаётганимизда, агент Хосеп Мария Мингелла қўнғироқ қилиб, Мбаппе билан келишув мавжудлигини айтди. Бартомеу билан гаплашдим ва у менга футболчини ўрганишим кераклигини буюрди.

Мбаппенинг отаси билан суҳбатлашдим, у менга ўғли “Реал”га ўтмаслигини айтди, чунки ўша вақт жамоада Криштиану, Бензема ва Бэйл бор эди. У Мбаппе “Барса”га ўтишга тайёрлигини билдирди, боиси, Неймар ПСЖга кетганди.

“Монако” раҳбари эса ПСЖ кучайиб кетмаслиги учун Килианни “Барса”га ўтишини хоҳлади. Уни 100 млн еврога сотиб олса бўларди. Бироқ, раҳбарият Дембелени танлади. Улар буни Мбаппе ўзи учун, Дембеле эса жамоа учун ўйнайди деб изоҳлашди. Неймар кетганидан кейин клуб ҳужумчи ўрнига вингерни сотиб олишга қарор қилди”, дейди Бордас.