UZ

Сўнгги янгиликлар

18:34Раньери: "Шомуродов майдонда бор куч-ғайратини сарф этади. Уни шунинг учун ҳам яхши кўраман"  3 18:33Ўзбекистон аёллар терма жамоаси Хитойдаги илк машғулотини ўтказди  0 18:15Суперлига. "Хоразм" — "Насаф" 0:1 (матнли трансляция)  15 18:10Бешта клуб Мюллерни ўз сафига қўшишдан манфаатдор  0 17:47Ямалнинг отаси испаниялик мухлислар Ламин билан фахрланишлари кераклигини таъкидлади  4 16:55"Барселона" "Аталанта" ҳужумчиси учун 50 млн евро тўлашга тайёр  2 16:35"Гавр"нинг 18 ёшли ҳужумчиси МЮга ўтади  0 16:09ЕЧЛда ҳафта футболчиси аниқланди  8 15:50Элдор Шомуродов – "Рома"да апрель ойининг энг яхши футболчиси!   28 15:22"Ўлганимда ётиб дам олиш учун кўп вақтим бўлади" — Бруну Фернандеш  2 14:58Ўзбекистон U-17 терма жамоаси ёпиқ форматда йиғин ўтказади  12 14:31"Челси" ушбу мавсум илк бор титул ҳомийси либосини кийди  2 13:59Суперлига. 8-тур дисквалификациялари: "Пахтакор", "Навбаҳор" ва "Қўқон-1912" 1 нафардан йўқотишга эга  2 13:36Гвардиола Ҳусанов ҳақида: "Бошланғич таркибдаги жой ҳеч кимга кафолатланмаган"  19 13:08Гвардиола "Барселона" ҳақида: "Бундай ўйин билан стадионлар ҳеч қачон бўш қолмайди"  14

ОАВ вакиллари диққатига! Янгиликлар

ОАВ вакиллари диққатига!

Теглар :  ОАВ МТЖ
Хабарингиз бор, 8 октябрь куни Ўзбекистон миллий терма жамоаси Эрон билан Тошкентда ўртоқлик ўйини ўтказади.

Шунингдек, 7 ва 9 октябрь кунлари футзал бўйича терма жамоамиз ҳам Эрон футзалчиларга қарши кураш олиб боради.

Ушбу учрашувларга ташриф буюрмоқчи бўлган ОАВ вакиллари махсус аккредитация орқали стадионга киришлари мумкин.

Пандемия шароити туфайли босма ёки интернет нашрларидан бир нафардан журналист ва фотограф, телевидения ходимларидан бир нафардан мухбир ва операторга бевосита стадиондан фаолият олиб боришига рухсат берилади.

Ўз нашрлари орқали спорт соҳасини ёритиб борадиган ОАВ вакиллари 4 октябрь соат 17.00 га қадар media@ufa.uz электрон почтасига учрашувга ташриф буюрадиган икки кишилик ходимлар рўйхатини юбориши сўралади.

Ушбу муддат ичида расмий тарзда хабар юбормаган ОАВ вакиллари МТЖ машғулотлари ва Ўзбекистон - Эрон ўртоқлик ўйинларига ташриф буюра олмайди.

Рўйхатдан ўтган ОАВ вакиллари мазкур аккредитацияларни 6 октябрь куни ЎФА биносидан олиб кетишлари мумкин.

Стадион ҳудудида санитария қоидалари, нормалари ва гигиена нормативларига амал қилиш сўралади.

ОФКнинг COVID-19 пандемия шароитида ўйинлар ташкил этиш протоколига мувофиқ, ОАВ вакиллари учун қуйидагилар тақиқланади:

- кийиниш хонасини суратга/тасвирга тушириш;
- ўйиндан аввал ва ўйиндан кейин футболчи ёки мураббий иштирокидаги “stand-up” интервюлар;
- микст зонадан фойдаланиш;
- медиа марказдан фойдаланиш.

Ўйин куни фақатгина телетрансляция (HB) мухбири камида 2 метр ижтимоий масофа сақлаган ҳолда, иккала жамоа бош мураббийи ва футболчиларидан қисқа (“флеш”) интервю олишига рухсат берилади. Бунда мухбир тиббий ниқоб ва қўлқоп тақиши, стендли ёки узун тутқичли микрофонлардан фойдаланиши мажбурий ҳисобланади.

Ўйиндан аввал футболчиларни майдонга чиқиб келиш ва жамоавий суратга тушиш жараёнида ишлаш учун фақатгина расмий фотографга рухсат берилади.

Ўйиндан кейинги матбуот анжуманида овоз ёзиб олиш қурилмаларини (диктофон, телефон ва бошқалар) мураббийлар олдидаги столга қўйиши тақиқланади. Бунда, стендли микрофонлардан фойдаланиш тавсия этилади.

Шунингдек, фотографларга анжуманнинг фақатгина дастлабки 5 дақиқаси давомида суратга олишига рухсат берилади.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика