Жанубий Кореяга қарши 14-ўйин

Ушбу баҳс жамоаларнинг ўзаро 14-учрашуви бўлади. Шу кунга қадар бўлиб ўтган 13та ўйинда корейслар 9 марта ғалаба қозонишган. Уч бор баҳс дуранг натижаси билан тугаган. Ўзбекистон Жанубий Кореяни фақат бир бор таслим қила олган. Тўплар нисбатида рақиб устун: 28:13.

Эътиборлиси ушбу ягона ғалабани дастлабки тўқнашувда қўлга киритганмиз. 1994 йил Осиё ўйинлари ярим финалида Азамат Абдураимов томонидан урилган гол корейсларнинг мағлубиятини таъминлаганди.

Икки дуранг Жаҳон чемпионатлари саралашида қайд этилган. 2005 йил Тошкентда ўтган баҳсда Максим Шацких ҳисобни очган, сўнгги дақиқада Парк Чу Юн гол уриб корейсларни мағлубиятдан қутқариб қолганди - 1:1.



2012 йил яна Тошкентдаги баҳс дуранг билан тугаган - 2:2.

Кореяга қарши Осиё Кубокларида икки бор тўқнаш келганмиз. 2011 йил Қатарда бўлиб ўтган мусобақанинг 3-ўрин учун ўйинида рақибларимиз 3:2 ҳисобида зафар қучишган.

2015 йил Австралиядаги Осиё Кубоги чорак финалида бу жамоага қўшимча таймларда 0:2 ҳисобида ютқазиб қўйганмиз. Ўтган йил март ойида Жанубий Корея билан ўтган ўртоқлик учрашувида сафарда дуранг қайд этилган - 1:1.


 

Сана	Мезбон	Ҳисоб	Меҳмон	Ўйин мақоми
13.10.1994	Ўзбекистон	1:0	Жанубий Корея	XII Осиё ўйинлари
12.09.1997	Жанубий Корея	2:1	Ўзбекистон	ЖЧ-1998 саралаши
18.10.1997	Ўзбекистон	1:5	Жанубий Корея	ЖЧ-1998 саралаши
30.03.2005	Жанубий Корея	2:1	Ўзбекистон	ЖЧ-2006 саралаши
03.06.2005	Ўзбекистон	1:1	Жанубий Корея	ЖЧ-2006 саралаши
05.07.2007	Жанубий Корея	2:1	Ўзбекистон	Ўртоқлик учрашуви
11.10.2008	Жанубий Корея	3:0	Ўзбекистон	Ўртоқлик учрашуви
28.01.2011	Жанубий Корея	3:2	Ўзбекистон	Осиё кубоги 2011
25.02.2012	Жанубий Корея	4:2	Ўзбекистон	Ўртоқлик учрашуви
11.09.2012	Ўзбекистон	2:2	Жанубий Корея	ЖЧ-2014 саралаши
11.06.2013	Жанубий Корея	1:0	Ўзбекистон	ЖЧ-2014 саралаши
22.01.2015	Жанубий Корея	2:0	Ўзбекистон	Осиё кубоги 2015
27.03.2015	Жанубий Корея	1:1	Ўзбекистон	Ўртоқлик учрашуви