Plyaj futboli: O'zbekiston terma jamoasi jahon reytingida 5 pog'ona yo'qotdi
28 fev 2017 10:58
Yangiliklar
![](https://championat.asia/upload/storage/242368_original.jpg)
![](/upload/storage/242368_220.jpg)
Plyaj futboli: O'zbekiston terma jamoasi jahon reytingida 5 pog'ona yo'qotdi
O'zbekiston terma jamoasi avvalgi reytingdagi o'rniga nisbatan 5 pog'onaga yo'qotdi. Osiyo qitasi terma jamoalari orasida O'zbekiston hamon 10-o'rinni saqlab turibdi.
Osiyo futbol konfederaciyasi (OFK)ga azo mamlakatlar reytingida katta o'zgarishlar yuz bermadi, ammo jamoalar jahon reytingida bir qancha o'rin yo'qotdi.
Eron termasi 1783 ochko bilan qitada etakchilik qilayotgan bo'lsa, Yaponiya (1287) va Ummon (1023) kuchli uchlikdan joy oldi. OFKga azo mamlakatlar reytingining kuchli o'nligi quyidagicha ko'rinish olgan:
1 (6). Eron – 1783 ochko
2 (9). Yaponiya – 1287 ochko
3 (16). Ummon – 1023 ochko
4 (19). BAA – 797 ochko
5 (29). Livan – 564 ochko
6 (41). Tailand – 359 ochko
7 (42). Xitoy – 344 ochko
8 (46). Vetnam – 308 ochko
9 (53). Bahrayn – 210 ochko
10 (57). O'zbekiston – 190 ochko
Plyaj futbol bo'yicha jahon reytingini 3477 ochko bilan Portugaliya terma jamoasi boshqarib bormoqda. Ikkinchi pog'ona Rossiya (3204) terma jamoasiga tegishli bo'lsa, Braziliya (3163) termasi kuchli uchlikka yakun yaasagan.
Malumot uchun, mazkur reytingni tuzishda terma jamoalarning 2013 yil mart oyidan 2017 yil fevral oyiga qadar qayd etgan natijalari hisobga olingan.
Eslatib o'tamiz, shu yilning 4–11 mart kunlari Malayziyaning Terengganu shahrida plyaj futboli bo'yicha Osiyo chempionati bo'lib o'tadi. Unda 13 mamlakat terma jamoasi, shu jumladan, O'zbekiston ham ishtirok etadi.
O’xshash yangiliklar
![AMP Logo](https://championat.asia/image/logo-amp.png)
Fikrlar