"Agar MYU sovrinni boy bersa, ikki ahmoqni deb bo'ladi". Van Persi Aleks Fergyusonning metodi haqida

"Fergyuson tartib-intizom o'rnatish uchun qachon chora ko'rish kerakligini bilardi. "Manchester Yunayted"dagi debyut mavsumimda aprel oyida 15 ochko farq bilan peshqadam edik va uyda "Manchester Siti"ni qabul qildik. Agar o'sha bahsda g'alaba qozonganimizda ustunligimiz 18 ochkoga etardi, ammo biz mag'lub bo'ldik. SHunga qaramay biz 12 ochko oldinda edik va boshqa murabbiylar vaziyatga keskin baho berishmadi. Lekin, Fergyuson g'azabda edi.

Jamoadagi ikki yigit o'sha mag'lubiyatdan keyin dam olishni xohlashgan. O'yinni ertasiga Fergyuson kiyinish xonasiga ularning tunda sayr qilib yurgan suratlarini olib keldi va hammaga shunday dedi: "Yigitlar, agar biz sovrinni boy bersak, unda bu dam olishni xohlagan mana shu ikki ahmoqni deb bo'ladi", - deya van Persining so'zlarini keltirdi "sofoot.com".