Rasman: Fabio Kannavaro – O'zbekiston terma jamoasi bosh murabbiyi!

Bu haqda O'zbekiston futbol associaciyasi matbuot xizmati rasman xabar berdi.

"O'zbekiston futbol associaciyasi 3 karra Jahon chempionati ishtirokchisi, 2006 yilgi Jahon chempionati g'olibi, yaqin o'tmishning eng yaxshi himoyachilaridan biri, taniqli mutaxassis — Fabio Kannavaro bilan shartnoma tuzdi. Italiyalik murabbiy jamoamizni AQSH, Kanada va Meksika maydonlarida o'tadigan Jahon chempionatiga tayyorlaydi", – deyiladi xabarda.

Murabbiylar shtabida Kannavaroga quyidagi mutaxassislar yordam beradi:

— Eugenio Albarella — yordamchi murabbiy (Yaponiya terma jamoasi, "Yuventus", "Udineze" va "Dinamo" Zagreb"da ishlagan);

— Chichcho Troize Fransesko — jismoniy tayyorgarlik bo'yicha murabbiy ("Benevento", "Udineze" va "Dinamo" Zagrebda faoliyat yuritgan);

— Antonio Kimenti — darvozabonlar murabbiyi (Italiya yoshlar terma jamoasi, "Sampdoriya" va "Spal" klublarida ishlagan).

O'zbekiston Kannavaroga Xitoyga qaraganda 8 baravar yuqori maosh taklif qilayotgani malum bo'lgan edi.