Австралиялик мутахассис ўйиндан кейинги матбуот анжуманида Криштиану Роналдунинг йўқлигига қарамай, жамоаси олтита гол ургани ҳақидаги саволга жавоб берди.
“Роналдунинг йўқлигини жамоамиз урган голлар сони билан боғлаш тўғри эмас. Ўтган учрашувда у майдонда эди ва биз бешта гол урдик. Уларнинг учтасини Роналдунинг ўзи киритди.
Биз учун энг муҳими – майдонга қайси футболчилар тушишидан қатъи назар, ғалаба қозониш ва ўзимиз истаган ўйинни намойиш этиш”, – деди Постекоглу.
Эслатиб ўтамиз, “Ал Насср” Саудия Арабистони чемпионати доирасидаги аввалги учрашувида “Ал-Хулуд”ни 5:3 ҳисобида мағлуб этганди. Мазкур баҳсда Криштиану Роналду хет-трик қайд этган.
Португалиялик ҳужумчи “Пахтакор”га қарши учрашув учун Тошкентга келмаган бўлса-да, “Ал Насср” 6:2 ҳисобида ғалаба қозонди.
