Пике:”ЕЧЛда фаворит эмасмиз, аммо...”

“Наполи” сўнгги вақтларда яхшигина кучайди. Албатта, бу жамоага қарши ўйин осон бўлмайди. Улар “Ювентус” ва “Ливерпул”ни таслим эта олишди. Биз рақибдан қўрқмаслигимиз лозим. ЕЧЛда фаворит эмаслигимизни биламиз. Аммо биз “Барселона”. Шу сабаб исталган вақтда ўз характеримизни намойиш эта оламиз. Бу ўйинда гол уриш жудаям муҳим.

“Наполи”да яхши футболчилар талайгина. Мертенс, Инсинье, Милик ва бошқа бир қатор кучли футболчилар бор. Улар бизга етарлича ташвиш туғдира олишади. Ўз вақтида бу ерда афсонавий Марадона тўп тепган. У “Барселона”дан кейин ушбу жамоага кўчиб ўтган. Месси ёки Марадона? Мен Мессининг доимий шижоаткорлиги ва ўзига хос сеҳрини эътироф этган бўлардим. У бир неча йиллардан буён “Барселона”га шижоат ва ўзига хосликни тақдим этмоқда”, дея Пикенинг сўзларидан иқтибос келтирмоқда Mundo Deportivo.