Унда клублар еврокубоклар кампанияси давомида қанча мукофот пули ишлаб топгани кўрсатилган. Энди эса барча манбаларни инобатга олган ҳолда умумий даромадларни ҳисоблаш имкони пайдо бўлди.
"Аудиторлик катта тўртлиги"га кирувчи компаниялардан бири — Deloitte ўзининг Football Money League 2026 ҳисоботини эълон қилди. Унда 2024/2025 йилги мавсумда энг катта даромадга эга бўлган 20 та футбол клуби рўйхати келтирилган.
Фақат битта клуб 1 млрд евродан ошиқ даромадга эришди — бу Мадриднинг "Реал" клуби бўлиб, у рейтингда 1-ўринни эгаллади. Шу билан бирга, йигирматаликда энг кўп вакилга эга лига — АПЛ: рўйхатдан 9 та клуб жой олган.
"Манчестер Юнайтед" эса Чемпионлар Лигасида иштирок этмаганига қарамай, жуда юқори ўринни сақлаб қолди ва 800 млн евро чегарасига жуда яқин келди.
