"Насаф"нинг ОЧЛдаги рақиби “Ал Садд” 5:0 ҳисобида ғалаба қозонди

“Ал Садд” турнир жадвалининг 7-поғонасида бораётган “Ал Аҳли” жамоасини ўз майдонида қабул қилди.

Учрашув тўлиқ “Ал Садд” жамоаси устунлигида ўтди. Ҳисоб ҳам шунга яраша бўлди. Жамоанинг 11-рақамдаги жазоирлик ҳужумчиси  Бағдод Баунеджах тўртта гол уриб, покер қайд этди.

Ушбу ҳужумчи жамоанинг ОЧЛда ҳам тўпурари ҳисобланади, у икки турда ҳам дубл қайд этган.

Учрашувдаги 5-голни унинг ҳамюрти, ярим ҳимоячи Ҳамроун Жугуртҳа киритди.

Бу ғалабадан сўнг “Ал Садд” ўз очколари сонини 46 тага етказиб олди. Биринчи ўринда бораётган “Ал Дуҳаил” бу турда дуранг ўйнаса ёки мағлуб бўлса, “Ал Садд” турнир жадвали пешқадамига айланади.

 
Қатар юлдузлар лигаси, 18-тур
“Ал Садд” – “Ал Аҳли” 5:0 (1:0)
Голлар: Бағдод Бунеджа 15, 55, 75, 82, Ҳамроун Жугуртҳа 90+2.  
“Ал Садд”: 1.Саад Алшийб, 3.Ёсир Абубакр Исо (16.Буалим Хухи, 46), 5. Ҳамроун Жугуртҳа, 8.Али Асад (6.Хави Эрнандес, 46), 11.Бағдод Бунеджа, 12.Хамид Исмоил, 14.Абдукарим Ҳасан (с), 20.Салим Али Алхажри, 24.Муртоза Пуралиганжи (7.Мусаб Хотр, 79), 37.Ахмад Суҳаил, 96.Акрам Афиф.
Захира: 22.Мешал Баршам, 2.Педро Мигел, 17.Ҳасан Ахмад, 99.Али Фрейдон.