Ўтган йилнинг декабрь ойида Лингард К-Лига вакили "Сеул" жамоаси билан шартномасини ўзаро келишувга кўра бекор қилган эди.
2024 йилнинг февраль ойида "Ноттингем Форест"даги қисқа муддатли фаолиятидан сўнг Жанубий Корея клубига қўшилган 33 ёшли ҳужумкор ярим ҳимоячи К-Лига доирасида жами 65 та ўйинда майдонга тушиб, ўз ҳисобига 18 та гол ёздириб қўйган.
Орадан уч ой ўтганига қарамай, Лингард ҳамон эркин агент мақомида қолмоқда. Бироқ у Бразилиянинг унчалик машҳур бўлмаган "Ремо" клубига ўтиш арафасида турибди.
"Globo" нашри тарқатган хабарга кўра, "Ремо"нинг таклифидан сўнг "музокараларда ижобий силжиш кузатилган".
