Суперлига. 5-тур лауреатлари

Championat.asia тур баҳслари асосида тур лауреатларини аниқлади.

"Қизилқум" клуби бу турда Тошкентда "Олмалиқ" меҳмони бўлди ва 1:0 ҳисобида ғалаба қозонди. Навоийликлар посбони Игнатий Нестеров шу куни жуда ажойиб ўйнади ва рақибларнинг бир қатор зарбаларини қайтаришга эришди. Учрашувнинг сўнгги дақиқаларида ўз дарвозаси томон белгиланган пенальтидан кейин тўпни қайтарди ва жамоаси ғалаба қозонишига катта ҳисса қўшди. "Қизилқум" посбони Игнатий Нестеров championat.asia сайти талқинига кўра 5-турнинг энг яхши дарвозабони деб топилди.

"Сўғдиёна" бу тур чемпионликка даъвогар бўлган "Навбаҳор"ни Наманганда 2:1 ҳисобида мағлуб этди. Жиззах клуби кучли таркибга эга бўлган "лочинлар"га қарши тартибли ўйнашди ва ижобий натижа қайд этишди. Шу боис Championat.asia сайти талқинига кўра, 5-турнинг энг яхши мураббийи Улуғбек Бақоев бўлди.

Бу турда "Сўғдиёна" ярим ҳимоячиси Дониёр Абдуманнопов "Навбаҳор" билан баҳсда ажойиб гол урди ва тур голи муаллифига айланди.  

Ўтган мавсум "Насаф"да ўйнаган ярим ҳимоячи Шоҳмалик Комилов бу йил "Динамо"да фаолият олиб бормоқда. Бу тур Комилов "Локомотив"га қарши баҳсда иккита голли узатмани амалга оширди ва "Динамо"нинг мавсумдаги илк ғалабасига катта ҳисса қўшди. Шу тариқа, Шоҳмалик Комилов championat.asia талқинига кўра 5-турнинг энг яхши футболчиси деб топилди. 

Ўзбекистон чемпионати турнир жадвали >>>>> Суперлига