ОЧЛ-2017. Клубларимиз плей-оффда "Ал Жайиш" ва "Ал Фатеҳ"га қарши ўйнайди
17 ноя 2016 21:31
Янгиликлар

ОЧЛ-2017. Клубларимиз плей-оффда "Ал Жайиш" ва "Ал Фатеҳ"га қарши ўйнайди

ОФК кейинги йил Ўзбекистон клубларига 1+2 кўринишида квота ажратиши ҳақида хабар бердик.

"Локомотив" чемпион сифатида кейинги мавсумда Осиё чемпионлар лигаси гуруҳ босқичида тўғридан-тўғри иштирок этади.

"Бунёдкор" эса плей-офф йўлланмасини нақд қилиб қўйди.

Ўзбекистон клублари ОЧЛ-2017 плей-офф босқичида Қатар ва Саудия Арабистони клубларига қарши ўйнашади.

Агар Ўзбекистон кубоги финалида Қаршининг "Насаф" клуби ғолиб бўлса битта ўйиндан иборат плей-оффда Қатарда "Ал Жайиш" билан ўйнайди. "Бунёдкор" эса Саудия Арабистонида "Ал Фатеҳ"га қарши майдонга тушади.

Агар "Насаф" финалда ютқазиб қўйса аксинча "Ал Фатеҳ" билан, "қалдирғочлар" эса Сардор Рашидов ўйнаётган жамоа билан тўқнаш келишади.

Бу ҳақда Алишер Никимбаев ўзининг фейсбукдаги саҳифасида маълум қилди.

Ҳавола :

Манба : championat.asia

Янгиликларни Телеграмда ўқинг!

Рейтинг: +23