Месси билан боғлиқ можаро туфайли Аргентина терма жамоаси ўйини бекор қилинди

Ўйин март ойида Хитой шаҳрида ўтиши керак эди. Бироқ Ханчжоу спорт бюросининг маълум қилишича, "ҳаммага маълум сабабларга кўра" ўйин бекор қилинди.

"Тадбирни ўтказиш шартларини асослаб бўлмайди ва баҳс бекор қилиниши борасида қарор қабул қилинди" - дейилади WeChatда эълон қилинган хабарда.

Эслатиб ўтамиз, Месси жароҳат сабабли Гонконг юлдузлари терма жамоасига қарши майдонга тушмаганди. Ушбу воқеадан сўнг кўплаб мухлислар ташкилотчилардан норози эканликларини ва чипта пулларини қайтариб беришларини талаб қилганди.