Ўйин 2:2 ҳисобида якунланди. Дубль қайд этган Лионель Месси голларнинг бирини пенальтидан урди. Шундай қилиб у ЛаЛигада пенальтидан урган голлари сонини 50тага етказиб олди.
Аргентиналик форвард бу кўрсаткич бўйича Испания чемпионатида учинчи ўринни эгаллаб турибди. Рўйхатнинг иккинчи поғонаси "Реал" ва "Атлетико" собиқ футболчиси Уго Санчесга тегишли. У 56 марта пенальтини аниқ амалга оширган. ЛаЛигада пенальтидан гол уриш бўйича пешқадам Криштиану Роналду ҳисобланади. Португалиялик форвард "Қироллик клуби" сафида 61та пенальтини голга айлантирган.
