Ана холос. Пахтаободлик футболчилар майдонни нега муддатидан аввал тарк этди?

Хусусан, Андижон вилояти иккинчи лигасида ҳам куни-кеча кутилмаган холат юз берди. Гап шундаки, вилоят биринчилигидан ўрин олган “ЎзТонгХонгКо” – “Пахтаобод” учрашувининг 65-дақиқасида меҳмонлар ўз норозиликларини билдириб, бутун жамоа бўлиб майдондан чиқиб кетган. “Пахтаобод” жамоасининг етакчи ўйинчисининг айтишича, ўйинни бошқариб борган ҳакамнинг қарорлари жамоадошларини қаттиқ ранжитган.  

Championat.asia сайтига маълум бўлишича, мазкур баҳсни бошқариб бориш Лочин Долимов зиммасига юклатилган. Аммо кейинчалик ўзгариш бўлиб, “ЎзТонгХонгКо” – “Пахтаобод” учрашувига Бекзод Тўлқинов ҳакамлик қилиб боргани аниқланди. Шунга қарамай, Андижон вилояти футбол ассоциациясининг телеграм каналида, ўйинни Лочин Долимов бошқариб боргани ёзиб кўрсатилган.