"Yuventus" 35 yoshli Kuadradoga yangi shartnoma taklif etdi

"Yuventus" yarim himoyachi Xuan Kuadradoga yangi shartnoma taklif qildi, bu haqda futbolchining o'zi elon qildi. Futbolchining turinliklar bilan amaldagi shartnomasi 30 iyunga qadar amal qiladi.

"Ular menga yangi shartnoma taklif qilishdi, ammo hozir bu haqda o'ylamayapman. Bu haqda keyinroq gaplashamiz, dedim. Kelishuvga erishamiz va yuqori saviyada o'ynashda davom etaman degan umiddaman", – dedi kolumbiyalik futbolchi.

Kuadrado Turin klubida 2015 yildan buyon to'p tepadi. 35 yoshli yarim himoyachi o'tgan mavsum barcha musobaqalarda 47 ta o'yin o'tkazib, 2 ta gol va 4 ta assistga mualliflik qildi.

Avvalroq "Yuventus" Zanoloni A Seriyaga qaytarmoqchi ekani haqida xabar berilgan edi.