Ro'ziqul Berdiev: “ SHorahmedov bilan xayrlashish niyatimiz yo'q”

Ilgariroq saytimiz orqali “Nasaf” darvozaboni Eldor Suyunov va SHerzod Azamovga Toshkentning “Paxtkor” klubidan qiziqish bo'layotganligi haqida xabar bergandik.  Ro'ziqul Sadullaevich Toshkent jamoasidan bo'layotgan taklifini inkor etmadi.

“Suyunov va Azamovga “Paxtakor”dan jiddiy taklif bor. Bu taklif ular uchun yangi chaqiruv. Ammo ularning klubimiz bilan amaldagi shartnomalari bor. Ularning “Paxtakor”ga o'tish yoki o'tmasligi borasida yakuniy qarorni klub rahbariyati qabul qiladi. Mabodo ular jamoani tark etadigan bo'lsa, ularning o'rnini to'ldirishimiz kerak bo'ladi”, deydi Berdiev.

SHuningdek, Ro'ziqul Berdiev davralar oralig'ida faol selekciya ishlari olib borilishi va jamoaga legioner taklif etish niyatida ekanligini malum qildi.

“Bu borada rejalarimiz ham bor. Hujum chizig'i va qanotni kuchaytirish maqsadida ishlar olib borayapmiz. Nomzodlar ham bor, ammo buni hozir ochiqlamoqchi emasman. Imkon bo'lsa,  xorijlik futbolchilarni safimizga qo'shib olmoqchimiz” deya so'zida davom etdi O'zbekistonning 2016 yildagi eng yaxshi murabbiyi.

Anjuman yakunida “Nasaf” bosh murabbiyi mavsum avvalida “Bunyodkor”dan “Nasaf”ga ko'chib o'tgan Akmal SHorahmedovning yana Toshkent jamoasiga qaytishi mumkinligi haqidagi gap so'zlarga izoh berdi.

“Akmal SHorahmedov borasida gapiradigan bo'lsam, bu o'yinchi jamoamiz uchun juda kerakli. Uni ham klubimiz bilan amaldagi shartnomasi bor. Biz uni hech qaerga qo'yib yuborish niyatimiz yo'q”, deya takidlab o'tdi “Nasaf” bosh murabbiyi.