Rahmatullo Berdimurodov: “Olmaliq” oltinchi pog'onadan pastga tushmasa yaxshi natija bo'lardi"

Jamoa himoyachisi Rahmatullo Berdimurodov tayyorgarlik to'g'risida fikr bildirdi.

-  Birinchi davra biz uchun qiyin o'tdi. Lekin hozirgi o'rnimiz ham yomon emas. “Olmaliq” klubi azaldan oltinchi pog'onadan pastga tushib ketmagan. Sakkizinchi pog'ona hech kimni qanoatlantirmayapti. Barcha jamoalarga o'xshab kuniga ikki mahaldan mashg'ulot o'tkazyapmiz. Ertalab jismoniy xolatga etibor qaratsak kechqurun to'plar bilan ishlayapmiz.

SHartnomaga qo'l qo'yayotganimda jamoa rahbariyati oldimga xech qanday maqsad qo'yishmagan. Lekin har bir uchrashuvda maqsadsiz harakat qilinmaydi. Barcha o'yinlarda g'alaba qozonamiz deb maydonga chiqamiz. Avval oldimizga mana shu o'rinni egallaysan deb maqsad qo'yilardi vazifani bajara olmasak ham. Oltinchi pog'onadan pastga tushib ketmasak bu biz uchun yaxshi natija.

“Metallurg” jamoasi yaxshi o'yin namoyish etmoqda. “Buxoro” bilan “Qizilqum” haqida bunday fikrdan yiroqman. CHunki bu jamoalarda mablag' tomondan muammolar yo'q. Ushbu jamoalar oltinchi, ettinchi pog'onalarda yurishipti. Bu klublarni chempionatimizni qizitmoqda deb ayta olmayman. Ikkinchi davraning ilk turida “Buxoro” jamoasi bilan bellashamiz. O'sha uchrashuvda g'alaba qozonsak qolgani yaxshi boshlanib ketadi. Ularning tarkibi kuchli edi, hozir bir nechta futbolchilarni tarkibga qo'shib olib yana ham kuchayib oldi.

Bizning jamoamizga ham Kenja To'raev va Mo'ydin Mamazulumov kelgan. Ro'zimboy Ahmedov va Farhod Tojiev jamoamizni tark etishdi. Barchasi maydonda xal bo'ladi”, - deydi Rahmatullo Berdimurodov.


Jahongir Sotvoldiev