O'zbekiston MTJ Namangandagi navbatdagi mashg'ulotini o'tkazdi+SHerzod Temirovdan intervyu

Xabaringiz bor, Osiyo Kubogi-2023 saralash bahslarining final bosqichi ilk turidada Srechko Katanec boshchiligidagi O'zbekiston milliy terma jamoasi SHri-Lankani 3:0 hisobida mag'lub etgandi. Bugundan jamoa navbatdagi o'yin uchun tayyorgarlikni boshlab yubordi. Yig'inda barcha futbolchilar ishtirok etdi, yo'qotishlar mavjud emas. Mashg'ulotlarning dastlabki 15 daqiqasi OAV xodimlari uchun ochiq tarzda o'tkazildi. SHuningdek, terma jamoa futbolchisi SHerzod Temirov bo'lajak bahs haqidagi fikrlari bilan o'rtoqlashdi.

- Dastlabki o'yinni g'alaba bilan boshladik. Uchrashuv ancha qizg'in ruhda o'tdi. Raqibning qanday darajada ekanligini oldindan bilardik, shu bois kecha ishonchli g'alabaga erishdik. 

- O'zbekiston terma jamoasi guruhdagi qolgan raqiblariga qaraganda bir bosh ustun hamda hujumkor o'yin namoyish etishi tabiiy. Murabbiy mashg'ulotlarda nimalarga ko'proq urg'u bermoqda. Kelgusida o'yinda uchta hujumchini ko'rishimiz mumkinmi?

- O'zbekistonda ushbu bosqichda ishtirok etishi g'alati. Bunga o'zimiz sababchimiz, shuning uchun o'zimiz muammolarni bartaraf etishimiz lozim. Ehtimol, ikki nafar hujumchi bilan ham o'ynaganimiz maquldir, bu murabbiy tanlovi, biz bunga aralashmaymiz. 

- Kecha tarkibga jalb etilgan hujumlarning uchtasi maydonga tushdi, sizga esa imkoniyat berilmadi. Bunga sabab nimada: murabbiy mashg'ulotlardagi harakatlaringizdan qoniqmadimi yoki uning taktikasini shundaymi?

- Bu murabbiy tanlovi, kechagi o'yinda ham Katanec bir nafar markaziy hujumchi va uning ortida to'p tepadigan hujumkor futbolchini tanladi. 

- SHri-Lankaga qarshi bahsdan so'ng saytimizda ko'pchilik izoh qoldirdi, yani Superligadagi hujumchilarni ham jalb qilganda, kamida 2-3 ta gol urardi degan mazmunda etiroz bildirdi. Bu borada qanday fikrdasiz? Sizga ham ertangi o'yinda to'liq imkon berilsa, raqib darvozasini ishg'ol qilaman deya ishonch bilan ayta olasizmi?

- Har futbolchida o'ziga bo'lgan ishonch mavjud. Bu murabbiyga ham bog'liq jihat sanaladi. Murabbiy imkon bersa, qo'limdan kelgan barcha ishni amalga oshiraman.

Oqil Abdubarnoev tayyorladi