O'zbekiston kubogi. 1/8 final. Qo'qon-1912 – Paxtakor 0:0

Qo'qon-1912 (Qo'qon) – Paxtakor (Toshkent) 0:0
Hakamlar: R. Bobomurodov (Navoiy), F. Hasanov (Namangan), R. G'opurov (Namangan), R. Tolibjonov (Farg'ona)
Nazoratchi: A. Arutyunov (Toshkent).

Qo'qon-1912: 16.Andrey Baklanov, 2.Aziz Madaliev, 4.Rahmatullo Meliboev, 5.Xurshid Uzoqboev, 6.Bahodir Akramov, 8.Nodir Qo'ziboev (10.Otabek Haydarov, 77), 11.Umidjon Qodirov, 15.Maruf Zokirjonov, 17.Aziz To'xtaboev (S), 18.Aleksandr Kritinin (22.Rustam Ashurmatov, 25), 25.Jalil Kimsanov.

Zaxira: 12.Aziz Ashurov, 7.Laziz Safoev, 9.Abdullajon Mirzaev, 19.Avazxon Mamatxo'jaev,  26.Davron Mamatov.

Paxtakor: 12.Aleksandr Lobanov, 2.Egor Krimec, 5.Akbar Ismatullaev ( 10.Jamshid Iskanderov, 63), 8.SHerzod Karimov, 9.Temur Hakimov (7.Kaxi Maxaradze, 46), 11.Igor Sergeev, 21.Kamoliddin Tojiev (S), 24.Davron Hoshimov, 28.Stanislav Andreev, 29.Vladimir Kozak, 36.Jaloliddin Masharipov.

Zaxira: 30.Akmal Tursunboev, 4.Boyan Miladinovich, 6.Murod Xolmuhamedov,  14.Jamshid Boltaboev, 51.Muhsin Ubaydullaev.


                                       MATNLI TRANSLYACIYA
                                                YANGILASH

Etiboringiz uchun tashakkur!

Stadionga kelgan muxlislar futbolchilarga minnatdorchilik bildirgan xolda, ularni olqishlashmoqda! Demak ular bugungi o'yindan mamnun!

90+3* Uchrashuv poyoniga etdi. Tomonlar o'zaro durangga imzo chekdi! Endi "Qo'qon-1912"ni Toshkentda javob o'yini kutib turibdi!

90+1* O'zgarish. Meliboev o'rniga Abdullajon Mirzaev tushirildi. Bu "Qo'qon-1912"ning uchrashuvdagi so'nggi o'zgarishi bo'ldi!

90* Ikkinchi bo'lim to'xtalishlariga bosh hakam 3 daqiqa vaqt qo'shib berdi!

90* Sergeev uchrashuv so'nggi daqiqalarida gol urib qahramonga aylanishi mumkin edi. Ammo uning qiyinchilik bilan jarima maydoni ichiga yorib kirayotganida himoyachilar qarshlik ko'rsatdi va to'pga chiqib kelgan Baklanov ushlab oldi.

85* Muxlislarga himoyachi sifatida yaxshi tanish bo'lgan Miladinovich bugun oldingi chiziqda harakat qilmoqda!

82* Birinchi liga vakili "Qo'qon-1912" oliy liga peshqadamiga qarshi o'yinda cho'chimayapti. To'pni o'zida ushlab turish va o'yinni o'z nazoratiga olishda qo'qonliklar raqibidan qolishmayapti.

80* O'zgarish. SHerzod Karimov o'rniga Boyan Miladinovich tushdi.

77* "Qo'qon-1912" tarkibida o'zgarish. Nodir Qo'ziboev o'rniga Otabek Haydarov tushdi.
 
74* Aziz To'xtabovning amalga oshirgan jarima zarbasi xavfli va shu bilan birga samarasiz yakundandi.

68* SHerzod Karimov jarima maydoni ichiga kirmasdan zarba berdi. Ammo uning chap oyog'idan yo'llagan zarbasini Baklanov qiyinchiliksiz ushlab oldi.

64* "Paxtakor" hisobda oldinga chiqib olishi mumkin edi. CHap qanotda tinim bilmayotgan Jaloliddin Masharipov mehmonlar darvozasi tomon kuchli zarba yo'lladi. To'p esa ustunga tegib qaytdi!

63* "Paxtakor" tarkibida o'zgarish yuz berdi. Akbar Ismatullaev o'rniga Jamshid Iskanderov maydonga tushdi!

60* Kaxi Maxaradze 2-3 raqibini aldab o'tib, to'pni jarima maydoni ichiga uzatib berdi. Ammo Sergeevdan ko'ra, Baklanov to'pga egalik qildi!
 
55* "Paxtakor"ning hujumi xavli ko'rinish oldi. CHap qanotdan Masharipov to'pni qarama-qarshi qanotdan turgan sherigi SHerzod Karimovga uzatib berdi. Ammo SHerzodning kuchli zarbasi darvoza to'sinidan ancha olisga yo'l oldi.
 
50* Aziz To'xtaboev jamoasining navbatdagi hujumini boshladi. U to'pni mehmonlar jarima maydoni ichida turgan Umid Qodirovga etkazib berdi ammo to'pga birinchi bo'lib Aleksandr Lobanov egalik qildi!

47* Ikkinchi bo'limda "Paxtakor" tarkibida o'yinchi almashtirildi. Temur Hakimov o'rniga Kaxi Maxaradze tushirildi.
 
46* Uchrashuvning ikkinchi bo'limiga start berildi!

45+2* Birinchi bo'lim yakunlandi. Tanaffus!

45+1* Stadion larzaga keldi. Bahodir Akramovning 20-25 metrlardan bergan zarbasi Lobanov qo'riqlayotgan darvoza ustuniga tegib maydon tashqarisiga chiqib ketdi!

45* Birinchi bo'limga bosh hakam 2 daqiqa vaqt qo'shib berdi!

36* SHerzod Karimov chap qanotdan jarima maydoni ichiga kirmasdan Baklanov qo'riqlayotgan darvozaning uzoq burchagiga yo'llagan kuchli zarbasi xavfli ko'rinish oldi. Mezbonlar posboni to'pni qiyinchilik bilan maydon tashqarisiga chiqarib yubordi!

31* Aziz To'xtaboev uzoq masofadan zarba berib o'zini sinab ko'rdi. Ammo uning kuchsiz chiqqan zarbasini Lobanov hech qanday qiyinchiliksiz ushlab oldi.

29* Uchrashuvda ustunlik "Paxtakor" tomoniga o'tmoqda. 

25* Maydon egalari tarkibida o'zgarish yuz bermoqda. Bundan biroz oldin jarohat olgan Aleksandr Kritinin o'rniga yosh himoyachi Rustam Ashurmatov tushirildi.

20* Stadion muxlislar to'lib toshdi. Stadion yonida joylashgan xovli uylarning tepasiga ko'plab muxlislar chiqib olib, o'yinni kuzatib borishmoqda!

19* Jamoalar ketma-ketlikda hujum uyushtirishda davom etmoqda. Lekin vaziyatlarni gol bilan yakunlash hech kimga nasib etmayapti, hozircha!

15* Stanislav Andreev tomonidan amalga oshirilgan jarima zarbasini Baklanov bir amallab ushlab olishga erishdi.

14* CHap qanotda to'p uchun kurashda Jalil Kimsanov bilan Davron Hoshimov to'qnashib ketdi. Bosh hakam R. Bobomurodov maydon egalari darvozasi tomon jarima to'pi tepilishi kerakligini ko'rsatdi.

13* "Qo'qon-1912" safida Nodir Qo'ziboev etakchilikni o'z qo'liga olishga intilmoqda. Maydon egalarining hujumlari aynan Qo'ziboev va To'xtaboev orqali uyushtirilmoqda!
 
8* Maydon egalari ham hujum qilishni boshladi. CHap qanotdan Nodir Qo'ziboev mehmonlar jarima maydoni ichiga kirar-kirmas to'pni qarama-qarshi qanotga uzatdi. Uni "Paxtakor" himoyachilari qaytarib yubordi!

7* Kurash endi maydon markaziga ko'chdi. To'p uchun kurashda Vladimir Kozak "Qo'qon-1912" azosi Bahodir Akramovga nisbatan qo'pollik ishlatdi. Bosh hakam Kozakni og'zaki ogohlantirdi!

5* "Paxtakor" futbolchilari endi chap qanotdan hujum tashkil etdi. Jaloliddin Masharipovning jarima maydoni ichiga uzatib bergan to'pini yana o'sha Kimsanov maydon tashqarisiga chiqarib yubordi!

3* Mehmonlar o'ng qanotdan hujum uyushtirdi. SHerzod Karimov jarima mmaydoni ichiga yorib kirmoqchi bo'ldi. Ammo Jalil Kimsanov to'pni maydon tashqarisiga chiqarib yubordi.

1* Uchrashuvni maydon egalari markazdan boshlab berishdi!
- Soat 17:00. O'yin boshlandi!

- Bu vaqtga kelib tribunada bo'sh o'rindiq qolmadi va stadionda anshlag boshlanib ketdi!

- Har ikkala jamoa futbolchilari uchrashuvdan oldin chigalyozdi mashklarini bajarish uchun maydonga chiqishdi!

- Toshkentdan 20ga yaqin muxlislar "Paxtakor"ni qo'llab-quvvatlash uchun tashrif buyurganligini ham aytib o'tish kerak!

- Soat 16:00. Stadion tribunasi tomoshabinlar bilan to'lib toshdi! Stadion tashqarisida yana mingdan ortiq muxlislar kirish uchun xunob bo'lib yuribdi!

- "Paxtakor" jamoasi stadionga etib keldi. Muxlislar futbolchilarni hayqiriqlar bilan kutib oldi!

- Qo'qondagi "Markaziy" stadionda OAVga yaratilgan sharoitlar alo darajada deyish mumkin. Har xolda boshqa stadionlarda mavjud bo'lgan kamchilik WiFi internetining Qo'qonda bor ekanligi kishini xursand etmay qolmaydi!

- Darvoqe, bugun xizmatingizda kamina Islombek Rustambekov bo'ladi.

- Yana bir soatdan keyin stadion tribunasi ishqibozlar bilan to'lishini bemalol tahmin qilish mumkin!

- Hozircha 6ta sektor deyarli muxlislar bilan to'lib toshdi.

- Soat tahminan 14:20dan boshlab muxlislarning stadionga kirishiga ruhsat berildi.

- SHu boisdan ham ishqibozlarning stadionga tashrifi soat 13:00dan boshlandi.

- Bugun Qo'qondagi mazkur uchrashuv maxalliy muxlislarda katta qiziqish uyg'otmoqda desak mubolag'a bo'lmaydi!

- Assalomu alaykum, xurmatli futbol ishqibozlari!

- Uchrashuv soat 17:00da boshlanadi.