“Lester”ga Jerrardning shogirdi kerak

“Lester” klubi Stiven Jerrard ustozlik qilayotgan “Reyjers”dan 23 yoshli hujumchi Alfredo Morelosni sotib olishni rejalashtirmoqda. “Tulkilar” Morelos bo'yicha tez orada muzokara boshlashi kutilmoqda. Morelosning xizmatlariga ayni damda “Sent-Etenn”, “Atletiko Madrid”, “Sevilya”, “Nyukasl” hamda “Aston Villa”dan qiziqish bor.

Morelos joriy mavsum “Reynjers” safida barcha musobaqalar doirasida 46 ta o'yinda maydonga tushib, 29 ta gol urdi va 10 ta golli uzatmani amalga oshirdi.