Islom To'xtaxo'jaev - “SHenyang Urban” yaratib bergan sharoitlar, kechadan restart olgan Bundesliga, Xitoy chempionatining qachon boshlanishi haqida
17 may 2020 12:07
Yangiliklar
![](https://championat.asia/upload/storage/567233_original.jpg)
![](/upload/storage/567233_220.jpg)
Islom To'xtaxo'jaev - “SHenyang Urban” yaratib bergan sharoitlar, kechadan restart olgan Bundesliga, Xitoy chempionatining qachon boshlanishi haqida
Biz bu borada milliy terma jamoamizning himoyachisi bilan bog'lanib fikrlari bilan qiziqdik.
“Xitoyda vaziyat borgan sari engillashib bormoqda. Koronavirus asosan xorijdan kelgan fuqarolarda aniqlanmoqda. Bir kunda ikkita yoki uchta yangi kasallanish holati qayd etilmoqda.
Bizga chempionat bahslari iyun oyining o'rtalarida boshlanadi deyishgandi, lekin jim bo'lib qolishdi. SHu kunlarda federaciyada katta yig'ilish bo'lishi kutilmoqda. Unda barcha masalalar ko'rib chiqiladi deb o'ylayman. SHundan so'ng aniq sanasini aytishsa kerak.
Jamoamiz bilan bir kunda ikki mahal yoki bir mahaldan mashg'ulotlarni olib bormoqdamiz, hamma futbolchilarning kayfiyati alo darajada. “SHenyang Urban” o'z oldiga yuqori ligaga chiqishni maqsad qilgan. CHempionat boshlansa buni qay darajada isbotlay olishimizni ko'rsatamiz.
Murabbiy barcha o'yinchilarni iliq kutib oldi. Xitoyliklarni bunchalik ochiqko'ngil ekanliklarini kutmagandim. Jamoada ingilis tilini biladiganlar bor o'shalar orqali qolganlar bilan muloqot qilmoqdaman.
Ramazon oyida kun tartibim boshqalarga qaraganda biroz farq qilmoqda. Ro'za tutishim uchun klub barcha sharoitlarni yaratib bergan. Buning uchun ularga katta rahmat aytib qolaman.
Kechadan yana Evropaga katta futbol qaytdi. O'zim Dortmundning “Borussiya” jamoasining o'yinlariga befarq emasman. CHempion nomi bu mavsum ham o'zgarmasa kerak. “Bavariya” bu borada ustun. Germaniya futboli boshqa chempionatlarga qaraganda tezroq. SHuning uchun kuzatib boraman”,- deydi o'zbekistonlik futbolchi.
Abdulaziz Iskandarov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar