Jamoliddin Rahmatullaev: "U-20 Jahon chempionatining Ozarbayjon va O'zbekistonga berilishi katta motivaciyadir"

Mazkur musobaqada 2007-2008 yilda tug'ilgan futbolchilardan ibrat terma jamoamiz ishtirok etadi. Mazkur mavzu yuzasidan O'zbekiston U-18 terma jamoasi bosh murabbiyi Jamoliddin Rahmatullaev fikrlari bilan o'rtoqlashdi. 

"Kuni kecha FIFA biz uchun yoqimli xushxabarni elon qildi: 2027 yilda biz Ozarbayjon bilan birgalikda 20 yoshgacha bo'lgan futbolchilar o'rtasidagi Jahon chempionatini qabul qilamiz. Bu juda nufuzli musobaqa va bejizga bizga ishonib topshirilmadi. Yurtimizga FIFA prezidenti Janni Infantino bir necha bor tashrif buyurib, futbolga davlat rahbari darajasida etibor qaratilganini o'z ko'zlari bilan ko'rdi. So'nggi tashrifi davomida esa yangi qurib bitkazilgan Olimpiya shaharchasi va O'zbekiston futbol associaciyasining zamonaviy futbol bazasi bilan ham tanishgan edi. Shuningdek, O'zbekistonda yuqori saviyada tashkil etilgan U-20 Osiyo kubogi hamda futzal bo'yicha kattalar o'rtasidagi Jahon chempionati ham bu qaror qabul qilinishiga katta turtki bo'lganini bemalol ayta olamiz.

Bu xabar nafaqat futbol jamoatchiligini, balki futbolsevar xalqimizni ham juda xursand qildi. Xursandchiligimiz bardavom bo'lsin!

Shaxsan men uchun ham bu juda quvonarli yangilik, chunki bu U-20 jamoamizdagi yigitlar uchun katta motivaciya va masuliyatdir. To'g'ri takidlaganingizdek, avval 2006 yilda tug'ilgan futbolchilar bilan U-17 Jahon chempionatida ishtirok etgan edik. O'sha tarkibdan Aziz Tolqinbekov, Behruz Karimov va Quvonch Abraev bugungi jamoamizga ham nomzod hisoblanadilar.

Tayyorgarlikka kelsak, oldimizda 9 va 12 oktyabr kunlari Ozarbayjon bilan Toshkentda xalqaro o'rtoqlik o'yinlari belgilangan. Keyingi bosqichda esa UFA bilan hamkorlikda batafsil tayyorgarlik rejasini tuzib olamiz. Jamoaning asosiy yirik sinovlari 2026 yildagi Osiyo kubogi saralash bosqichi hamda 2027 yildagi Osiyo va Jahon chempionatlari bo'ladi", – deydi Jamoliddin Rahmatullaev.

Abdulaziz Iskandarov