Alan SHirer: “Riki Lambert Braziliyaga borishi kerak”
10 may 2014 12:24
Yangiliklar

Alan SHirer: “Riki Lambert Braziliyaga borishi kerak”

Angliya terma jamoasining sobiq sardori Alan SHirer yaqinda matbuotga intervyu berib, “Sautgempton” hujumchisi Riki Lambert jahon chempionatiga borishi kerakligini aytib o'tdi.

“Uch sherlar” bosh murabbiyi Roy Xojson Angliya premer-ligasi tugashi arafasida yakuniy tarkibni malum qilmoqchi. Ertaga MYU safarda “Sautgempton” bilan kuch sinashadi va bu o'yinda ayrim sabablarga ko'ra Ueyn Runi ishtirok eta olmaydi.

Alan SHirerning fikricha, ayni paytda Riki Lambert yaxshi formada va uni Runiga o'rinbosar sifatida JCH-2014ga olib ketsa bo'ladi. Terma jamoa ustozi esa Denni Uelbek, Daniel Starrij, Endi Kerrol, Jermeyn Defo singari hujumchilarni yakuniy ro'yxatga jalb qilmoqchi.

- Katta musobaqalarda Angliya uchun penaltilar seriyasi har doim muhim kelgan. Riki Lambert esa 11 metrlik nuqtadan beriladigan jarima zarbalarni ajoyib tarzda amalga oshirishi bilan ajralib turadi. Bu hujumchining “Sautgempton” safida penaltilardan qanday foydalanayotganiga bir qarang, unga havas qilsangiz arziydi”, - deydi SHirer. - Bizda hozir to'rtta yaxshi hujumchi bor. Bular - Runi, Uelbek, Starrij va Lambert.

Havola :

Manba : championat.asia

Yangiliklarni Telegramda o'qing!

Reyting: