Ёмон хабар. Пауло Дибала коронавирусга чалинди
22 мар 2020 00:03
Янгиликлар

Ёмон хабар. Пауло Дибала коронавирусга чалинди

Туриннинг "Ювентус" клуби футболчиси Пауло Дибала коронавирус билан касалланганини маълум қилди.

"Шуни маълум қилмоқчиманки, Ориана (футболчининг қиз ўртоғи) билан коронавирус учун тест топширгандик, натижалар ижобий чиқди.
Шукрки, биз ўзимизни яхши ҳис қиляпмиз", – деб ёзди Дибала ўзининг инстаграмдаги саҳифасида.

Маълумот учун, Дибала "кекса синьора"нинг инфекцияга чалинган 3-футболчига айланди. Бунга қадар Блез Матюиди ва Даниэле Руганилар вирусдан зарарланганди.

Эслатиб ўтамиз, ўтган ҳафта Венесуэланинг "El Nacional" нашри Паулода коронавирус аниқлангани ҳақида ёзган, бироқ, футболчининг ўзи бу маълумотни рад қилган эди.

Ҳавола :

Манба : https://www.instagram.com/paulodybala/

Янгиликларни Телеграмда ўқинг!

Рейтинг: -32