Италиянинг "Tuttosport" нашри маълумотларига кўра, 26 ёшли сербиялик форвард фаолиятини "Барселона"да давом эттиради.
Влаховичнинг "Ювентус" билан амалдаги шартномаси 2026 йилнинг ёзида тугайди ва томонлар уни узайтирмайди. Бу эса футболчининг янги клубга эркин агент сифатида ўтиши мумкинлигини англатади, бу эса молиявий жиҳатдан трансферни айниқса жозибадор қилади.
Манбанинг маълум қилишича, Каталония клуби ҳужумчи билан шартнома имзолаш учун курашда пешқадам бўлиб турибди ва ўтишни ташкил этиш устида ишни аллақачон бошлаган. "Барселона"да Влаховични шартномаси июнь охирида тугайдиган Роберт Левандовскига эҳтимолий ўринбосар сифатида кўришмоқда.
