Суҳроб Бердиев: “Чемпион бўлганимдан хурсандман”

Ушбу босқичда “Қўқон-1912” клуби футболчиси Суҳроб Бердиев ғолибликни қўлга киритди ва ўз фикрлари билан ўртоқлашди.

“Финал босқичи жуда ҳам ажойиб ўтди. Саволлар ҳам қизиқарли бўлди, кайфиятимиз анча кўтарилди. Тўғрисини айтсам, ушбу лойиҳада ғолиб бўламан, деб ўйламагандим. Лекин ғалаба қозониш учун бор билимларимни исга солдим.

От тўғрисидаги савол жуда ҳам қизиқарли бўлди. Ушбу савол менга ёқди. Финал босқичида Шоҳруз Норхоновга қарши курашда бироз қийинчиликлар бўлди. Шоҳруз ҳам яхшигина билимга эга экан.

Келаси йилги мавсумда чемпионатимиз тур учрашувларига қараб, ўйиндан олдин ким-кимга қарши ўйин ўтказса, ўша жамоанинг биттадан футболчиларини лойиҳага таклиф этиб, улар иштирокида савол-жавоб қилсанглар, ўйлайманки жуда ҳам қизиқарли бўларди. "Brain ring" лойиҳасининг илк мавсумида чемпион бўлганимдан хурсандман”, - дейди "Brain ring" ғолиби “Қўқон-1912” клуби ҳужумчиси Суҳроб Бердиев.