Шаҳобиддин Тешабоев 60 ёшда

Фарғона вилояти футбол Ассоциацияси ҳамда вилоят футбол жамоатчилиги вилоят футбол Ассоциацияси мутахассиси Шаҳобиддин Тешабоевни таваллуд кунининг 60 йиллиги муносабати билан табриклайди.

Шаҳобиддин ака Тешабоев ўзининг 40 йилдан ортиқ меҳнат фаолияти давомида оддий ишчи вазифасидан то вилоят болалар футболига масъул мутахассис лавозимларида ишлади. Ҳозирги кунда ҳам у ўзининг бой тажрибаси ва малакасини ёш мутахассисларга ўргатиб келмоқда.

Айниқса, вилоят футбол Ассоциациясида ҳамда футбол мактаб интернатидаги 12 йиллик фаолияти давомида у ушбу соҳанинг ривожида бевосита фаол иштирок этди. Биргина унинг саъй-ҳаракатлари сабабли вилоятдаги мунтазам равишда футбол билан шуғулланувчи болалар сони ўтган ўн йилликда сезиларли равишда ошгани фикримизнинг яққол исботидир.

Бу ва бошқа самарали меҳнатлари бугун бутун бир Фарғона вилояти спорт жамоатчилигининг эътирофида, эъзозидадир.

Яна бир бор вилоятимиз спортчилари ва шогирдлари ҳамда касбдошлари номидан Шаҳобиддин акани муборак 60 ёши билан табриклаймиз.

Фарғона вилояти футбол Ассоциацияси жамоаси