Расман: Аллегри - "Ювентус" бош мураббийи
28 май 2021 18:09
Янгиликлар

Расман: Аллегри - "Ювентус" бош мураббийи

Италиялик мутахассис Массимилиано Аллегри яна "Ювентус"ни қабул қилиб олди.

Клуб 53 ёшли мутахассис билан тузилган битим тафсилотларини ошкор қилмади. Олдинроқ маълум бўлганидек, у 2025 йилга қадар шартнома имзолаган, унинг маоши йилига 9 млн евро атрофида.

Массимилиано Аллегри "Ювентус" (2014-2019)ни олдин ҳам бошқарган, мутахассис клуб билан 11 соврин, жумладан 5та чемпионлик титулини қўлга киритган. У икки бор туринликларни Чемпионлар Лигаси финалига олиб чиққан ва уларда "Барселона" ва "Реал"га имкониятни бой берган.

Эслатиб ўтамиз, бундан бироз олдин "Юве" Андреа Пирлони бош мураббийликдан истеъфога чиқарган эди.