Журналист Экрем Конурнинг маълум қилишича, "аристократлар" футболчи учун 75 млн евро таклиф этишга тайёр ва уни яқин вақтдаги устувор трансфер мақсади сифатида кўряпти.
Transfermarkt портали 26 ёшли Леаунинг бозор қийматини 70 млн евро деб баҳолайди. Рафаэл жорий мавсум барча мусобақаларда "Милан" сафида 13 ўйин ўтказиб, 7 та гол урди ва 1 та голли узатмани амалга оширди. Португалиялик футболчининг италияликлар билан амалдаги шартномаси 2028 йилгача мўлжалланган.
Леаунинг "Челси"га ўтиши қишки трансфер ойнасининг энг шов-шувли келишувларидан бири бўлиши ва лондонликлар ҳужум чизиғини кучайтириши мумкин.
