"Komm Mit" ва "CA" раҳбарлари келишувга эришдилар

Уларга Италия ва Голландияда етарлича рақобат қиладиган компаниялар мавжуд, аммо Германияда ташкилот энг кўп мижозга эга. Шунинг учун мазкур компания ва "CA" ўртасида йўлга қўйиладиган ҳамкорлик биз учун жуда катта аҳамият касб этарди.

Нодирхўжа Юлдашев ва компания директори Флориан Хойшмид ўртасида кечган музокаралар, якунда икки ташкилотнинг ўзаро ҳамкорликда фаолият олиб бориши билан якунига етди.

"Мен кутган учрашув бўлиб ўтди. Аввало бу компания ташкилотимизнинг хатига жиддий қараб, унга ўз вақтида жавоб берганидан хурсанд бўлган эдик. Чунки бу компаниянинг Европада тутган ўрнидан хабардор эдик. Ҳудди бу, бизнинг бирорта жамоамиз "Бавария" билан ҳамкорликни йўлга қўйганидек гап. Тез кунларда биз билан ҳамкорлик қилувчи жамоаларга "Komm Mit" томонидан тақдим этилган турнирларни берамиз. Клубларимизга бу мусобақалар нарх борасида ҳам маъқул келиши аниқ. Чунки айнан шундай суммага кучли бўлмаган мусобақаларда иштирок этиб келаяпмиз. Европа, барибир Европа", - дейди Нодирхўжа Юлдашев.

Ўз навбатида, жаноб Хойшмид ҳам ҳамкорлик борасидаги фикрларини билдириб ўтди:
 
- Ўзбекистон жамоаларининг бизнинг турнирларда иштирок этиши қизиқ бўлади. Мамлакатингиз ҳақида яхши ахборотга эгаман. Кейинчалик бизнинг мижозлар ҳам "CA" томонидан ташкил этиладиган турнирларда иштирок этишлари мумкин. Бунга вақт керак бўлса-да, амалга оширса бўладиган иш. "Komm Mit" болалар футболи йўлида барча таклифларни қабул қилади.