Клопп “Бернли”нинг ўйини ҳақида гапирди
22 авг 2021 08:22
Янгиликлар

Клопп “Бернли”нинг ўйини ҳақида гапирди

“Ливерпуль” бош мураббийи Юрген Клопп АПЛ 2-турида “Бернли” (2:0) устидан қозонилган ғалабадан кейин рақибнинг ўйин услуби ҳақида гапира туриб, ҳакамликдан ҳам норозилигини баён этди.

“Ҳар доим беллашувга 100 фоиз тайёр бўлиш лозим ва биз бугун бунга тайёр эдик. Барнс ва Вуднинг ван Дейк ва Матип билан тўқнашувларини барча кўрди.

Ҳакамлар 100 фоиз тўғри йўналишда ҳаракатланаётганликларига амин эмасман. Улардан шундай таасурот қолаяптики, биз 10-15 йил ортга қайтгандекмиз. Бундай ҳакамлик билан кўплаб муаммолар келиб чиқиши аниқ.

Ҳужум қилаётган жамоанинг фойдасига ҳакам қарор чиқариши менга жудаям ёқади. Аммо футболчиларни ҳам ҳимоя қилиш лозим. Буни инкор этиш керак эмас. Агар сизга шу тахлит уринишлар ёқаётган бўлса, бориб кураш беллашувларини томоша қилишингиз мумкин.

Ўйинда кўплаб яхши вазиятларни яратдик, аммо гол ура олмадик. Қолганига бор кучимиз билан ҳаракат қилиб, ғалабани сақлаб қола олдик. Уч очко қўлга киритилди ва ҳеч ким жароҳат олмади”, дея сўзларини якунлади Клопп.

АПЛ 2-туридан ўрин олган “Ливерпуль” – “Бернли” учрашувини тажрибали ҳакам Майк Дин бошқариб борди.

Ҳавола :

Манба : BBC Sport

Янгиликларни Телеграмда ўқинг!

Рейтинг: +5