Жасур Абдураимов: "Пахтакор" раҳбариятига ишонч учун миннатдорчилик билдираман"
24 июн 2017 20:51
Янгиликлар

Жасур Абдураимов: "Пахтакор" раҳбариятига ишонч учун миннатдорчилик билдираман"

"Обод" - "Пахтакор" ўйинидан кейинги матбуот анжуманида Жасур Абдураимов фикрларини билдирди.

- Бугун яхши ўйин кўрсатдик. Жамоа футбол ўйнашга интилди. Ҳаракатларимиз ўхшади ва мақсадимизга эришдик. Сафардаги ўйинларда доим ғалаба учун ўйнадик. Қаердадир омадимиз келмади, оддий ҳолатларда тўп ўтказиб юбордик. Йигитларга бирга ишлаган пайтимиз учун раҳмат айтаман. Биз қийин вазиятда муносиб ишладик. Улар жамоага борларини беришга интилишди.

Раҳбариятга ҳам ишонч учун миннатдорчилик билдираман. Ўзимни синаб кўрдим, нималарни уддалай олишимни билиб олдим. Бу менга асқотади. Футболчиларда ўзига бўлган ишонч ортди. Шу сабабли ўйинимиз анча яхшиланди. "Пахтакор" ҳаётимда катта ўрин тутган. Менга иш таклиф қилишса, клубда қолишни муҳокама қиламиз.

Шунчаки юриб, маош олишни хоҳламайман. Мен чинакамига ишлашим лозим. Тер тўкадиган ишда меҳнат қилишга тайёрман.

"Пахтакор" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +54