Фомин яна Уммонга қайтди
07 фев 2018 08:30
Янгиликлар

Фомин яна Уммонга қайтди

Тажрибали ҳимоячимиз Максимилян Фомин фаолиятини яна Уммон чемпионатида давом эттирадиган бўлди.

Яна дейишимизга сабаб Фомин аввал ҳам Уммонда тўп тепганди. Аниқроғи, ўтган йилнинг айнан шу пайтида Максимилян “Саҳам” клуби билан шартнома имзолаган эди. Кейинчалик август ойида Малайзияга кўчиб ўтган ва биринчи лига вакили “Перлис” жамоаси сафида ўйнаганди.

Куни кеча ҳимоячи Уммоннинг “Соҳар” клуби билан келишувга эришди. Бу жамоа Уммон Суперлигасининг 13-туридан сўнг 15 очко билан 14 клуб орасида 9-ўринни эгаллаб турибди. Эътиборлиси, 8-поғонадан жой олган Фоминнинг собиқ жамоаси “Саҳам” ҳисобида ҳам 15 очко бор. “Ал Сувайқ ” клуби 34 очко билан турнир жадвалида пешқадамлик қиляпти.