Антони “Аякс”га: “Мени қўйиб юборинглар!”

Амстердамликлар жума куни МЮ томонидан футболчининг трансфери учун таклиф қилинган 90 млн евролик келишувга рад жавоб қилди.

- Бугун, жума куни нима рўй берди?

- Бугун клуб билан ўтган учрашувда аввалгидек кетишни хоҳлаётганимини тушунтирдим, аммо бу сафар жиддий тарзда. “Аякс” ўрнимга футболчи топиш учун атиги беш кун қолганини айтиб, рад жавоб қилди.

- Нега “Аякс” сени қўйиб юбормаяпти?

- “Аякс” мени шунчаки қўйиб юборишини сўрамаяпман. Мени Эредивизи тарихидаги рекорд суммага сотишини истайман. Буни клуб янги таркибни қуриши учун февралдан бери талаб қилиб келаман.

- Трансфер бўйича музокаралар қандай кечмоқда?

- Шу йил февралида агентларим Амстердамга етиб келишди ва “Аякс”га клубни тарк этишим ҳамда янги чақирувга тайёрлигимни билдиришди. Биз қизиқувчи клублар бўлиши ва яхшигина таклифлар берилишини аниқ тушунтирдик.

- Клубга нима дегандинг?

- Транфер ойнаси давомида учрашувлар давом этди ва “Аякс”дан битимни узайтириш борасида таклиф олдим. Аммо кетмоқчилигимни яна бир бор аниқ айтдим”, дея жавоб қилган Антони инсайдер Фабрицио Романонинг саволларига.