UZ

Сўнгги янгиликлар

13:01Александр Кержаков Ўзбекистондан тушган таклифни рад этган  0 12:40Футбол ҳакамлари академияси ташкил этилади  0 12:26ФАКТ. "Қизилқум" 10 йилдан буён меҳмонда "Бухоро"ни юта олмаяпти  0 12:14Суперлига. 2-тур ўйинларига превью  0 11:57Жаҳон чемпионатига қуръа ташланди. Ўзбекистон амалдаги чемпион билан бир гуруҳда  3 11:37"Нефтчи"нинг "Қўқон-1912"га қарши баҳс учун қайдномаси эълон қилинди  3 11:11Романо: "Челси" португалиялик вингер билан келишувга эришди  1 10:45Моттанинг ўрнига «Ювентус»ни бошқаришга асосий номзод маълум  3 10:06Sofascore. Шомуродов кечаги баҳсда қандай баҳога лойиқ кўрилди?  2 09:03«Реал Мадрид» ҳимоячиси бир ойга сафдан чиқди  2 08:32Европа лигаси. Чорак финал жуфтликлари маълум  3 08:20КОНКАКАФ. "Интер Майами" сафарда "Кавальер"ни мағлуб этди, Месси 92-дақиқада гол урди  12 07:58«Атлетик»ка қарши учрашувдан сўнг Элдор Шомуродов нималар деди?  4 07:25Суперлига. Бугун 2-тур баҳсларига старт берилади  2 03:05Конференциялар лигаси. "Челси"дан ишончли ғалаба, Антонидан гол+пас, "Фиорентина" ҳам чорак финалда  4

ЖЧ-2014. Голландия – Аргентина. ПРЕВЬЮ Янгиликлар

ЖЧ-2014. Голландия – Аргентина. ПРЕВЬЮ

Бразилияда бўлиб ўтаётган жаҳон чемпионатида бугун тунда ярим финалнинг иккинчи ўйини ўтказилади.
Сан-Паулу шаҳрида жойлашган “Коринтианс” стадионида Голландия ва Аргентина ўзаро баҳс олиб боради ва ўйин якунида иккинчи финалчи номи аниқ бўлади. Бразилия - Германия баҳсида немислар йирик 7:1 ҳисобида ғалаба қозониб финалга йўл олишди. Энди бир савол қоляпти: мусобақанинг охирги ўйинида иккита Европа жамоаси ўйнайдими ёки Жанубий Америка вакили бўладими? Мана шу саволга жавоб топиш учун кўпчилик ўйинни катта қизиқиш билан кузатса ажаб эмас.

Голландия ҳақида мусобақа давомида бир қатор илиқ фикрлар билдирилди. Жамоанинг ҳужум чизиғи ниҳоятда кучли, ярим ҳимоя ва ҳимояда юлдуз ўйинчилар ҳаракат қилаётгани йўқ. Шунга қарамай, голландлар ўзига хос футбол спектакли намойиш этган ҳолда ярим финалга қадар етиб келишди. Голландия гуруҳ ўйинларини ажойиб тарзда ўтказди. Роббен билан ван Перси порлади. Лекин бундан ҳам муҳими, Голландия ўзининг тезкор қарши ҳужумлари билан ёдда қолди.



Лекин плей-офф баҳсларида Голландия бироз муаммога дуч келди. Улар Мексикани охирги дақиқаларда аранг мағлуб этишди, Коста-Рика билан кечган ўйин эса пенальтилар сериясига қадар борди ва захира дарвозабони Тим Крулнинг топқирлиги эвазига Голландия ярим финалга чиқди. Энди эса финалгача бир қадам қолди: бунинг учун Аргентина тўсиғидан ўтиш талаб этилади. Рақибидан фарқли ўлароқ Аргентина ўз ўйини билан ҳеч кимни ҳайрон қолдиргани йўқ. Бироқ улар аввалги бешта учрашувда ғалаба қозонишди.

Умуман олганда, Аргентина кўрсатадиган футбол асосан Мессининг ҳаракатларига боғлиқ. Агар Мессининг кайфияти жойда бўлса, бу жамоани тўхтатиш қийин бўлади. Негаки айнан Мессининг хизматлари эвазига Аргентина терма жамоаси сўнгги 24 йил ичида биринчи бор ярим финалга етиб келди. Бугунги баҳсни жароҳати сабаб Анхел Ди Мария ўтказиб юборади. Бу катта йўқотиш, албатта. Унинг ўрнида Энцо Перес ўйнайдиган бўлди. Шунингдек, Серхио Агуэронинг ҳам майдонга тушиши сўроқ остида қолмоқда, унинг ўрнига Лавесси ёки Паласио ўйнаса керак.



ЖЧ-2014. Ярим финал
ГОЛЛАНДИЯ – АРГЕНТИНА
Бош ҳакам: Жунайт Чақир (Туркия)

Тахминий таркиблар

Голландия: Силессен — де Врей, Влаар, Мартинс Инди — Куйт, де Гузман, Вейналдум, Блинд — Снайдер — ван Перси, Роббен

Аргентина: Ромеро — Сабалета, Гарай, Демикелис, Рохо — Перес, Маскерано, Гаго — Месси — Агуэро, Игуаин

Жароҳат олганлар: Ди Мария (Аргентина)
Сўроқ остида: де Йонг, ван Перси, Янмаат (Голландия)



Луи ван Гаал (Голландия термаси бош мураббийи):
“Биз Аргентинадек кучли жамоага қарши ўйнаймиз. Машғулот пайтида бир қатор усулларни текшириб чиқдик ва ўйлаймизки, ярим финал баҳсида шу усуллар ёрдам беради. Биз ярим финалга тайёрмиз”.

Алехандро Сабелла (Аргентина термаси бош мураббийи):
“Орадан 24 йил ўтиб ярим финалга чиқдик. Бу ҳам яхши кўрсаткич, лекин шунинг ўзи билан тўхтаб қолмоқчи эмасмиз. Кўрамиз, буёғи нима бўларкин”.

Ўзаро ўйинлар: 8та учрашув +4=3-1 13:6
ЖЧдаги ўйинлар: +2=1-1 7:3
Охирги баҳс: 21.06.2006. Голландия — Аргентина - 0:0

Қизиқарли фактлар
-   Аргентина 1990 йилдан бери илк бор ярим финалга чиқди.
-   Бу Аргентина учун тўртинчи ярим финал ҳисобланади ва олдинги учта ярим финалдан кейин жамоа финалга йўл олган.

Х.Холиқов тайёрлади.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика