Вали Келдиев: "Норин" олдига олий лигага чиқиш вазифаси қўйилган"

Учрашувдан олдин "Норин" бош мураббийи Вали Келдиев ўз фикрларини билдирди.

"16 ноябрдан плей-офф баҳсига тайёрланаяпмиз. Бизда ҳам олий лигага чиқиш вазифаси бор, нима учун бундай мақсадимиз бўлмаслиги керак? Бизда бундай имконият бор экан, албатта вазифани бажариш учун уриниб кўрамиз. Шунчаки, майдонга чиқиб ҳеч қандай босимларсиз ўз ўйинимизни кўрсатишга ҳаракат қиламиз. Ҳаққулободда футболни жуда севишади. Мухлислар жамоамизни қизғин қўллаб-қувватлашаяпти. Биз бу ўйинда албатта ютиб олий лигага чиқамиз деб айта олмайман. Чунки бу - футбол.

Бизга рақиб ким бўлишининг фарқи йўқ. Ҳар қандай ҳолатда ҳам майдонга чиқиб ўз вазифамизни бажаришга ҳаракат қиламиз. Майдонда ким кучли бўлса ўша жамоа ғалаба қозонади", - дейди Вали Келдиев "Футбол Экспресс" газетасига берган интервьюсида.