Райан Гиггз: "Сульшерга вақт керак. Унга ўйинчи сотиб олиш учун пул беринг"

"Манчестер Юнайтед"га ижодкор ўйинчи етишмаяпти. Кучли жамоаларга қарши ижобий ўйин кўрсатиш, бу шунчаки тасодиф. Заиф мудофаага эга жамоани синдириш ҳар доим қийин бўлиб келган. Биз ижодкор ўйинчиларимиз билан бироз уялишимиз  мумкин ва Оле ҳам буни тан олмоқда. 

Оле яхши формада бўлаётган Аарон Уан-Биссака, Дэниэл Жеймс ва Харри Магуайр сингари ўйинчиларга эга. Унинг амалга оширган трансферлари ҳалигача ўзини оқлаб келмоқда. Бошқа мураббийларда бўлганидек, унга ўйинчи сотиб олиш учун пул беринг. Яна 5-6 футболчи олиш керак ва биз ўшанда ҳақиқий фарқни кўрамиз.  

Олега вақт керак. У ўйинни ютишга ҳаракат қилиш билан бирга келажакни ҳам ҳисобга олмоқда. Бу қийин", – дейди Гиггз.