Равшан Эрматов: "Россияга ён босмайман"

Ушбу баҳс борасида ҳамюртимиз ўз фикрлари билан ўртоқлашди.

"Албатта мана шундай ўйинда ишлаш жуда ёқимли. Краснодар. Янги стадион! Ажойиб гўзаллик! Айтганча, бунгача Россия - Озарбайжон ўйинида ишлаганман. Шунингдек, Коста-Рика билан ҳам танишман. Уларни ЖЧ чорак финалида Голландияга қарши ўйинларида иштирок этганман. Ўшанда улар голландияликларга етарлича муаммолар туғдиргандилар. РФИ мана шу терма жамоа билан ўртоқлик ўйини ташкил этиб жуда тўғри қарорга келган.

Ушбу ўйин ҳақида ҳозирча ҳеч нарса дея олмайман. Айни пайтда Саудия Арабистони ва Австралия терма жамоалари ўртасидаги ўйинга тайёргарлик кўрмоқдаман. Ана шундан кейин ушбу ўйинга тайёрланамиз.

Россия терма жамоасидаги энг қўпол футболчи? Йўқ, бу ҳақида сизга ҳеч нарса дея олмайман. Балки, барчаси тескари кўриниш олиши мумкин (кулади).

Майдонда профессионал бўламан. Ўз вақтида Ўзбекистон - Эрон ўйинини бошқариб, Одил Аҳмедовга қизил карточка ҳам кўрсатганман. Шу сабабли, Россияга ҳам ён боса олмайман. Барчаси ҳаққоний бўлади", - дейди Равшан Эрматов.