"Милан"нинг Европа лигасида иштирок этиш ё этмаслиги эртага аниқ бўлади

Манбанинг маълум қилишича, «Милан» бу борада УЕФА билан келишувга эришган. 

Гап шундаки,  «россонери»лар ўтган йили молиявий фэйр-плей қоидаларини бузганлиги учун, еврокубоклардан четлатилиши керак эди. Бироқ, ўшанда клуб раҳбарияти апелляция бериб, бу муддатни бир йилга узуйтирган. 

Шунингдек, УЕФА томонидан Италия жамоасига 12 млн. евро миқдоридаги жарима солинган ҳолда еврокубокларнинг бўлажак икки мавсуми учун 21 нафар футболчини қайдномадан ўтказишни белгилаб қўйганди. 

Агар 19 июнь куни чиқариладиган якуний қарорда «қизил-қоралар»нинг Европа лигаси 2019/20 йилги мавсумида қатнашмаслиги маълум бўлса, у ҳолда уларнинг ўрнини «Торино» эгаллайди ва саралаш баҳсларида иштирок этади. «Рома» эса тўғридан-тўғри гуруҳ босқичида қатнашади.