Мата: "Рашфорд майдонда тортинчоқ эмас"

"Академиядаги футболчиларни асосий таркибга киритиш тўғри қарор. Бу йил ушбу соҳада муваффақиятга эришдик. Ёшларимиз ажойиб футболчи эканликларини кўрсатиб қўйишди. Албатта, уларга барқарорлик керак, аммо бу йигитлар ҳозирданоқ босимга дош бера олишларини исботлашди.

Аввалига улар уялишади. Масалан, Маркус Рашфорд. У кийиниш хонасида тортинчоқ, аммо майдонда эмас. У қўлидан келган барча ишни бажаришга ҳаракат қилади. Ёш футболчилар жамоа учун борини бериши жуда ажойиб" - дейди Мата.