Коронавирус сабабли ЖАР клублар ўртасидаги ЖЧни ўтказишдан бош тортди. Турнир яна Осиёда бўлиши кутилмоқда
05 окт 2021 13:50
Янгиликлар

Коронавирус сабабли ЖАР клублар ўртасидаги ЖЧни ўтказишдан бош тортди. Турнир яна Осиёда бўлиши кутилмоқда

ЖАР давлати мамлакатда коронавирус тарқалиши жадаллиги ва одамларнинг эмланиши сустлиги сабабли клублар ўртасидаги ЖЧни ўтказишдан бош тортди.

Маҳаллий матбуотнинг хабарига кўра, турнирни ўтказиш учун ЖАР аҳолисининг камида 70 фоизи вакцина қилинган бўлиши керак. Ҳозирда бу натижа 33 фоизни ташкил қилмоқда.

Қайд этиш керак, ЖАР давлати Буюк Британиянинг "қизил рўйхати"да бўлиб турибди. У ердан бирор инсон айни дамда ушбу давлатга ташриф буюра олмайди.

Бунга қадар коронавирус сабабли Япония давлати ҳам турнирни қабул қилишни истамаганди. Шу орқали клублар ўртасидаги ЖЧни ўтказиш учун ягона даъвогар БАА давлати бўлиб қолмоқда.

Ўтган сафарги турнир 2021 йил февралида Қатарда ташкиллаштирилган ва унда "Бавария" финалда Мексиканинг "Тигрес" жамоасини мағлуб этганди.

Ҳавола :

Манба : Goal

Янгиликларни Телеграмда ўқинг!

Рейтинг: +2