Фердинанд "Манчестер Юнайтед"нинг хатолари ҳақида гапирди

"Юнайтед"нинг асосий хатолари - эгизаклар Рафаэль ва Фабио, Уэлбек, Чичарито вва Жонни Эвансни сотиб юборгани бўлди. Улар қисқа вақт ичида жамоадан кетди. Улар олдин қурилган жамоанинг асосий қисми бўлишганди. Клуб ўйлаб ҳам ўтирмасдан уларни кетказиб юборди. Ўшанда қандай қилиб бундай қарорга келинганини тушуниб етмагандим.

Уэлбек ҳозир ҳам яхши ҳолатда. Чичарито, Рафаэль ва Фабио МЮда яхши фаолият олиб бориши мумкин эди. Эванснинг кетгани эса худди устидан кулишдек гап бўлганди. Уни ҳар қандай ҳолатда ҳам таркибда олиб қолиш керак эди. Ўша пайтда у жамоанинг энг яхши ҳимоячиси бўлиб турганди", - деди Фердинанд.

Эслатиб ўтамиз, Рио МЮнинг сўнгги чемпионлиги қўлга киритилган 2013 йилги мавсумдан кейин жамоада яна бир йил ўйнаб, у ҳам "қизил иблислар"ни тарк этганди.