Камолиддин Тожиев: "Морейра штабида ишлашим керак бўлганди"
11 май 00:44
Янгиликлар
Камолиддин Тожиев: "Морейра штабида ишлашим керак бўлганди"
Ўйин ҳақида
- Бугун ўйин олдидан йигитларга берилган режаларнинг барчаси ишлади. Ҳамма ўз даражасида ўйнади. Ўйиндан олдин футболчиларга, барча терма жамоа даражасидаги футболчилар эканлигини айтдик. Уларни шу орқали руҳиятини кўтармасак, руҳий тушкунликдан олиб чиқиб бўлмайди. Руҳиятни кўтариб олсак, бу йигитларнинг барчаси юқори даражада ўйин кўрсатадиган футболчилар. Улар бугун ўз савиясини намойиш қилишди.
- Бугун футболчилар эркин ўйнади, хотиржамликни намойиш қилди. Бу "Бухоро" каби кучсиз жамоанинг фонида шундай кўриндими ёки Сизнинг ўтган йилда жамоани қўлингизга олганингиздан кейинги каби футболчилар яна кучли ўйин кўрсатишни бошладими?
- "Бухоро"ни кучсиз рақиб деб бўлмайди. Суперлигада ҳозир кучсиз жамоанинг ўзи йўқ. Йигитлар мен келганимга зўр ўйнади эмас, шунчаки руҳий томонлама кўтарилиш қилишга ҳаракат қилдик. Менимча бу ерда менми ёки бошқа мураббий бўлса ҳам, улар ўзларини кўрсатишади.
- Морейра даврида "Пахтакор"га нима етишмади?
- Айрим ўйинлардаги мағлубиятлардан кейин футболчилар билан гаплашиб кўрдим, улар ўзларини ейишни бошлашди. Шу орқали ўйин ҳам чиқмади. 2-3 кун ичида футболчилар билан гаплашиб, руҳий томонлама кўтаришга интилдим. Таркибдаги барча футболчилар термага номзод. Уларга ўзларидаги ишончни қайтариш керак.
- Сиз узоқ йилдан бери "Пахтакор"дасиз. Сизга адолатсизлик қилишаётгандек туюлмаяптими? Яъни, ўтган йили Максим Шацких ижодий таътилга чиққанида Сизнинг қўл остингиздаги жамоа яхши ўйин кўрсатди ва кейинчалик Шацких яна қайтди. Бу йил ҳам шундай бўлиб қолса, адолатсизлик бўлмайдими? Сиз футболчилар билан ишлайсиз, натижаларга эришасиз. Кейин эса яна вазиятни чигаллаштиришади. Ёки раҳбарият билан барчасини гаплашиб олдингизми?
- Мен "Пахтакор"дан кетмагандим, U19 жамоа билан ишлаётган эдим. Морейра бошчилигидаги мураббийлар штабида бўлишим керак эди, бироқ уларнинг ўзлари мени олмасликка қарор қилишди. Ёшлар жамоасида ишлаб туриб ҳам мураббийлар штаби билан гаплашиб турардим. Энди буёғини кўрамиз, барчаси раҳбариятга боғлиқ. Улар қаерда дейишса, ўша ерда ишлаймиз.
- Клуб хабарида Педру Морейра таътилга чиқди дейилди. У истеъфога чиқарилдими ёки таътилга кетдими?
- Бу саволга клубда ишлайдиганлар жавоб бера олади.
Ўхшаш янгиликлар
championat.asia
Ўзбекистон Кубоги. "Насаф" "Пахтакор"га мағлуб бўлиб, гуруҳда қолиб кетди. "Лочин" бу сафар "Сурхон"ни мағлуб этиб, кейинги босқичга йўл олди
“Барселона“га қарши ўйинда ҳакам икки марта “Реал“ фойдасига қўпол хатога йўл қўйган — Archivo VAR
"Халқим учун "Олтин тўп"ни қўлга киритишни истардим" — Муҳаммад Салоҳ
Амалдаги чемпион ва кубок соҳиби Ўзбекистон кубоги гуруҳ босқичида қолиб кетди
Фикрлар
Рақиб жамоа бош мураббийларига сувенир улашгани демаса бошқа бирор натижа кўрсатгани йўқ.
Ал ҳилолни Тошкентда уни тактикаси эмас ёион майдон ёрдамида пахтакор енгди.
Хюстра хам, Воевски(шунақа эди шекилли фамилияси), Шацких, К. Тожиев, мана энди Морейра... Хуллас барчаси пахтакор каби нуфузли жамоани бошқариш учун обрўга эга мураббийлар мавқесида эмас.
Аслида Арвеладзени натижа кўрсатишига Алишер Усмоновни пуллари бўлди. Шундаям бу ички чемпионат доирастда бўлди. ЧЛ сида у хам дурустроқ натижа кўрсатмади.
Пахтакор каби шонли тарихга эга, Ўзбек футболида мавқеси баланд жамоа учун халқаро майдонда хизматлари билан танилган бош мураббий керак. Лекин у мураббий келгач пахтакорни бошқариш унинг учун фаолиятида пасайишдек хис қиладиган обрўли мураббий бўлиши хам хато бўлади. Айтайлик Кейруш даражасидаги мураббий бўлсин.
Ана шунда у ўз мавқе обрўсию, мураббийлик тажрибаси билан пахтакор ўйинчиларини итот қилдира олади.