Европа Лигаси финалида Торрейра йиғлаб юборди
30 май 2019 16:07
Янгиликлар
Европа Лигаси финалида Торрейра йиғлаб юборди
"Арсенал" ярим ҳимоячиси Лукас Торрейра кеча ЕЛ финалида кўз ёш тўкди.
Футболчи ўйинни асосий таркибда бошлаб, 67-дақиқада ўз ўрнини Алекс Ивобига бўшатиб берди. Бу вақтда "Арсенал" аллақачон 0:3 ҳисобида ютқазаётган эди.
Торрейра алмаштирилаётган вақтида йиғлаб юборди ва кўз ёшларини яшириш учун юзини либоси билан беркитишга ҳаракат қилди. Ҳатто захира ўриндиғида ҳам йиғлашдан тўхтамади.
Торрейранинг собиқ жамоаси бўлмиш Италиянинг "Сампдория" жамоаси ҳам футболчини қўллаб-қувватлади.
"Карьерангда ёмон ва яхши кунлар бўлади, аммо ҳар доим бошингни баланд тутиб юр. Биз сенга ишонамиз", - дейилади жамоа хабарида.
Торрейра ўтган йил ёзда "Сампдория"дан "Арсенал" сафига кўчиб ўтган эди.
Футболчи жорий мавсум барча турнирларда 57та ўйинда майдонга тушиб, 2та гол ва 3та ассистга эришган.
Ўхшаш янгиликлар
championat.asia
"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди
Тимур Кападзе: "Эрон терма жамоаси қачон рози бўлган ўзи?"
U-23 Осиё Кубоги саралаш босқичи. Ўзбекистон Қирғизистон билан дуранг ўйнади
Валерий Кичин: "Ҳалол ўйин бўлишини истардим"
Фикрлар