Афсонавий Майкл Жордан ПСЖ ўйинига ташриф буюрди + ФОТО
27 сен 2018 15:46
Янгиликлар

Афсонавий Майкл Жордан ПСЖ ўйинига ташриф буюрди + ФОТО

Кеча Франция чемпионатида 7-тур учрашувларига якун ясалди.

Турни мамлакатнинг амалдаги чемпиони ПСЖ иштирокидаги ўйин якунлаб берди. Парижликлар ўз майдонида "Реймс"ни қабул қилди ва 4:1 ҳисобида ғалаба қозонди. Ўйинда Кавани дублга эришган бўлса, Неймар ва Менье биттадан гол уришди. Меҳмонлар сафида эса Хавьер Чавалерин ягона жавоб тўпини киритди.

ПСЖ

Эдинсон Кавани - 5', Неймар - 24', Эдинсон Кавани - 44', Тома Менье - 55'

Лига 1 . 7-тур

27/09/2018, 01:00

Тугади

Реймс

Ксавье Шавалерен - 2'

Стадион: Parc des Princes, 47237 томошабин

Бош ҳакам: Оливье Тюал

45'

90'

Матч-центрда очиш

Эътиборли томони, ушбу беллашувни бевосита Париждаги "Парк де Пранс" стадионида томоша қилиш учун баскетбол афсонаси Майкл Жордан ташриф буюрди. Жордан бугунги кунда "Шарлотт" клуби хўжайини ҳисобланади.

Сентябрь ойининг бошида ПСЖ Чемпионлар лигасида Майкл Жордан исми билан номланган бренддаги формаларда ўйнашини ва уй стадионида биргаликдаги илк коллекциялар тақдимоти ўтказилишини эълон қилган эди.

Баскетбол афсонаси Майкл Жордан ажойиб сакрай олиши сабаб "Air Jordan" лақабини олган. 1984 йилда Жордан "Nike" компанияси билан реклама шартномасини имзолайди. Унга кўра, компания Майкл учун махсус "Air Jordan" кроссовкаларини ишлаб чиқаради. Ушбу лойиха шу даражада муваффақиятга эришади-ки, "Air Jordan" алоҳида дунёга машхур брендга айланиб кетади. ПСЖ ҳам ЕЧЛда айнан "Air Jordan" бренди тақдим этган либосларда тўп тепди. Буюк Жордан ҳақида узундан-узун ҳикояларни ёзишимиз мумкин, лекин бу футболга оид хабар бўлгани учун ҳозирча шу жойда тўхтаймиз)

ПСЖ - "Реймс" учрашувидан сўнг париж клуби президенти Носир Аль-Хелайфи Майкл Жорданга ПСЖнинг 23-рақамли махсус формасини совға қилди. Майкл баскетболчилик даврида айнан 23-рақамда ўйнаганидан хабардорсиз.

Франция чемпионати турнир жадвали >>>>> Лига 1

Ҳавола :

Манба : championat.asia

Янгиликларни Телеграмда ўқинг!

Рейтинг: +10