Афғонистон ёрдамчи мураббийи: "Кейинги йилларда Афғонистон, Тожикистон ва Эрон Осиёнинг энг кучли жамоалари қаторида эътироф этилади"

"Бугун жуда қийин ўйин ўтказдик. Сабаби Парагвай биздан бир кун кўп дам олди. Биз эса Андижонда ўйин ўтказиб, пойтахт сари йшлга отландик. Бу ҳам ўз таъсирини ўтказди. Учрашув арена ёки зангори экран қаршисида кузатган мухлислар учун қизиқарли руҳда ўтди деб ўйлайман. Бироқ бизга халқаро тажриба етишмагани панд берди. Бу жаҳон чемпионатидаги илк иштирокимиз эди. Ўйин давомида ишончли ҳаракат қилдик, аммо гол ўтказиб юборгач, ўзимизга кела олмадик.

Ўйиндан аввалги машғулотларда пенальтилар борасида шуғуллангандик, бироқ беллашувда пенальтилар сериясига боришни хаёлимизга ҳам келтирмадик, балки ғалаба учун ҳаракат қилдик.

Осиё жамоаларини ҳам кузатиб боряпман. Эрон дунёнинг энг кучли жамоаларидан бири, Ўзбекистон эса муваффақиятсизликка учради. Менимча, кейинги йилларда Афғонистон, шунингдек, Тожикистон ва Эрон Осиёнинг энг кучли жамоалари қаторида эътироф этилади".

Эслатиб ўтамиз, Афғонистон терма жамоаси ўз тарихида илк маротаба жаҳон чемпионатида иштирок этиб, нимчорак финалга қадар етиб борди.

Оқил Абдубарноев суҳбатлашди.