Хамес 2 йил ўтиб, яна "Реал" либосида майдонга тушди
24 авг 2019 22:28
Янгиликлар

Хамес 2 йил ўтиб, яна "Реал" либосида майдонга тушди

Айни дақиқаларда, ЛаЛиганинг 2-туридан ўрин олган «Реал» – «Вальядолид» учрашуви бўлиб ўтмоқда.

Зайниддин Зидан бугунги асосий таркибга ижарадан қайтган колумбиялик ярим ҳимоячи Хамес Родригесни киритди. Родригес 2017 йилнинг май ойидан буён илк марта «қироллик клуби» сафида майдонга тушмоқда.

Унинг сўнгги учрашуви эса чемпионатнинг 2016/17 мавсум 38-турига тўғри келганди. Ўшанда «қаймоқранглилар» Криштиану Роналду ва Карим Бенземанинг голлари эвазига меҳмонда «Малага» устидан зафар (2:0) қучишган.